Komunidatnan será

Informashon:

Komunidatnan será por ta di índole religioso, spiritual, terapéutiko, sosial òf ideológiko. Frekuentemente, tin preshon di grupo fuerte, tin tiki espasio pa outonomia y tin pensamentu nos-nan. Por tin hopi preshon pa obedesé normanan i reglanan estrikto, loke ta pone ku víktimanan di violensia doméstiko i maltrato di mucha ta buska yudansa ku ménos fasilidat, òf nan no ta sinti nan mes liber pa duna informashon tokante di nan situashon Mester protehá e grupo, i pa víktimanan ta difísil pa kibra e lealtat aki ku nan tin pa ku e grupo. Hopi biaha tin kòntròl di informashon; ta tene fuentenan krítiko òf hende di pafó riba un distansia, òf ta kalifiká nan komo peligroso Pa profeshonalnan, esaki ta nifiká ku tin biaha, ta difísil pa identifiká señalnan. Tin mas riesgo riba dependensia, aislamentu i violensia doméstiko.

Señalnan:

• Un hende ta bisa ku e ta forma parti di un grupo ku ta tuma hopi tempu i energia;
• Ta limitá òf deskurashá kontakto ku famia, amigunan òf hende di pafó;
• Tin un herarkia estrikto i rígido òf (un) lider(nan) sentral ku hopi influensia;
• Ta usa lenguahe, ritualnan òf reglanan spesífiko ku ta diferensiá di e mundu pafó;
• Di ripiente ta kibra kontaktonan sosial di ántes, òf ta stòp ku skol/trabou;

Tepnan:

• Mantené kontakto ta prioridat; ta hopi importante pa mantené konekshon;
• Puntra pa posibilidatnan pa tene kontakto, i tuma nota di preferensianan;
• Aserká e persona sin huzga i usa lenguahe neutral (por ehèmpel, evitá palabranan manera sekta);
• Registrá kuidadosamente unda e persona ta keda, e sirkunstansianan di kontakto (si e persona por tuma kontakto libremente) i si ya kaba tin instansianan involukrá;
• Purba komprondé e bista di mundu di e persona. Hopi biaha e persona ta parse konfundí; purba komprondé kiko ta pasa tras di e komportashon konfundí;
• Splika klaramente ku lo no aktuá sin konsultá kuidadosamente ku e persona involukrá; no ta tuma kontakto ku miembronan di e komunidat será sin konsultá e víktima;
• Splika e personanan involukrá ku e promé prioridat ta e protekshon di e víktima(nan);
• Tuma nota di relashonnan di dependensia. Den kaso di menornan di edat; inventarisá kua miembronan di e famia ta den e grupo i kua di nan ta pafó di e grupo, si tin kontakto ku famia pafó di e komunidat, i si tin kuidadónan alternativo;
• Tene kòmbersashonnan konfidensial i splika e víktima esaki eksplísitamente, pero sin primintí sekresia;
• Den kaso di konvikshonnan ekstremo (por ehèmpel ekstremo drechi òf ekstremismo religioso): drenta e kòmbersashon sin huzga. Identifiká si tin peliger pa e persona mes, su entorno òf sosiedat. Determiná si e konvikshon por eksistí pafó di e komunidat, i kon grandi e apoyo ta den sosiedat.

Violensia seksual

Informashon:

Violensia seksual ta nifiká ku un persona mester hasi, eksperensiá òf wak aktonan seksual sin konsentimentu (consent) kla i boluntario. Generalmente, e ta tuma lugá den situashonnan ku diferensia di poder, por ehèmpel den famianan, relashonnan sentimental òf relashonnan di dependensia. Frekuentemente, violensia seksual ta keda skondí pa hopi tempu, i e víktimanan no sa mustra señalnan (konkreto).

Konsentimentu ta nifiká ku un persona ta bai di akuerdo di manera boluntario, konsiente i kla, ku aktonan seksual. Menornan di edat, hende ku diskapasidat mental òf den relashonnan di outoridat (por ehèmpel den kuido, enseñansa òf religion) konsentimentu ta ainda mas vulnerabel.

Ehèmpelnan di violensia seksual hands-on (ku kontakto físiko):

• Sunchi òf mishi di manera no deseá;
• Sekso manual òf oral no deseá;
• Penetrashon vaginal òf anal no deseá;
• Penetrashon no deseá ku ophetonan;
• Stealthing: kita kondon den sekreto durante sekso sin ku a duna pèrmit pa esaki.

Ehèmpelnan di violensia seksual hands-off (sin kontakto físiko):

• Sexting no deseá òf distribushon di imágennan sunú;
• (Obligashon di) wak pornografia òf aktonan seksual;
• Masturbashon seksual no deseá òf forsá;
• Grooming (sedukshon digital di mucha) òf sextortion (chantahe online ku imágennan seksual);
• Eksposishon di kurpa no deseá òf forsá;

Señalnan:

No tin karakterístikanan di komportashon fiho ku ta indiká violensia seksual klaramente. E señalnan ta varia hopi di persona pa persona. Hopi di e víktimanan no ta mustra señal òf ta mustra tiki señal, per ehèmpel debí na bèrgwensa, kulpa, miedu òf lealtat pa ku e outor. Dediká atenshon partikular na komportashon ku ta desviá di e norma. Kiko ta komportashon normal pa un mucha di tres aña, i kiko no ta? Òf: e persona su komportashon a kambia?

Un señal ku sèmper ta indiká violensia seksual:

• malesa di transmishon seksual òf embaraso den mucha bou di 12 aña di edat

Tepnan despues di un revelashon (disclosure):

• Reakshoná di manera trankil i sin husga;
• Bisa eksplísitamente ku no ta e víktima su kulpa;
• Normalisá e emoshonnan: tur loke un hende ta sinti ta komprendibel;
• Puntra kiko na e momento ei ta mas importante pa e persona involukrá;
• Eksplorá huntu ki tipo di asistensia ta nesesario (médiko, sikológiko, hurídiko);
• Laga e paña i e lugá kaminda e akto a sosodé mas intakto posibel;
• Tene kuidou ku kontakto físiko: puntra si kontakto físiko ta deseá;
• Ofresé pa yuda pensa riba e siguiente pasonan òf buska yudansa;
• Den kaso di mucha:
  • Despues di e kòmbersashon, yuda e mucha bini bèk den e situashon presente, pa e keda den un situashon seif;
  • Informá e mucha tokante di e pasonan siguiente, e lokual ku e por spera di e profeshonal, i ken e por tuma kontakto kuné miéntras tantu;
  • Verifiká ku tin apoyo formal i informal disponibel den e sírkulo di e mucha.

Stalking

Informashon:

Stalking ta nifiká ku ta sigui un hende di manera fèrfelu òf ta akosá un hende. Stalking ta un akto kastigabel. Tuma e sintimentu di víktima na serio. Si nan realmente tin miedu, tin hopi riesgo riba peliger/menasa. Si ta intervení den fase trempan, por evitá eskalashon. Paga bon tinu na kambionan di komportashon di e outor (eskalashon di komportashon) i e víktima (ansiedat, hiperalerta, aislamentu, problemanan di soño). Víktimanan di stalking tin derecho riba protekshon. Por ehèmpel, por imponé un prohibishon di drenta sierto área, òf un prohibishon di kontakto.

Señalnan ku ta indiká peliger agudo den kasonan di stalking:

• E stalker tin akseso na arma;
• E stalker a yega di violá un prohibishon di kontakto;
• E stalker a ser kondená anteriormente pa komportashon kriminal;
• E stalker tin problemátika sikiátriko;
• E stalker ta parse desesperá òf opsesivo (por ehèmpel despues di e terminashon di un relashon òf otro evento di bida) i no ta mira otro opshon ku uso di violensia;
• E stalker tin ideanan di suisidio, ta papia di esaki òf a yega di hasi un intento;
• E stalker tin ideanan di asesinato;
• Eskalashon di e komportashon di e stalker; e stalker ta bira mas insistente òf agresivo, ta menasá ku violensia òf tin violensia, e frekuensia di e momentunan di kontakto ta oumentá;
• Ansiedat i strès serka e víktima; e víktima tin miedu di loke e stalker por hasi, tin problemanan di soño, tin atakenan di pániko, ta sinti su mes insigur na tur momentu.

Tepnan:

• Tuma señalnan di stalking na serio.
• Tuma kontakto ku e Instansia di Konseho i Notifikashon Violensia Doméstiko i Maltrato di Mucha, i ku polis;
• Ta importante pa rekopilá pruebanan.

Violensia digital i online

Informashon:

Kada bes mas, formanan di violensia digital ta forma parti di violensia doméstiko. Formanan di violensia online ta; akoso online, skucha kòmbersashonnan den sekreto, stalking digital, shame sexting, grooming, sextortion, pornografia di vengansa, abuso finansiero i froude di identidat. Den kasonan di shame sexting òf pornografia di vengansa, e konteksto kultural por tin impakto adishonal riba e víktima.

Señalnan:

• Frekuentemente, víktimanan ta sinti bèrgwensa, loke ta pone ku posibelmente nan no ta mèldu un insidente;
• Nan por tin miedu di e reakshon di sernan kerí, nan por sufri di kehonan síkiko (manera depreshon) i eksperensiá oumento di strès;
• Víktimanan ta retirá i ta evitá kontaktonan i aktividatnan sosial;
• E víktima ta ousente di trabou òf skol.

Tepnan:

• Puntra eksplísitamente pa eksperensianan fèrfelu online;
• Yuda ku pasonan práktiko: eliminá kontenido, kambio klavenan di kuentanan i konfigurashon di privasidat riba medionan sosial, rekopilashon di pruebanan, hasi denunsia;
• Si mester, tuma kontakto ku e Instansia di Konseho i Notifikashon Violensia Doméstiko i Maltrato di Mucha, òf konsultá: Welkom bij safetyNed – alles over #veiligonline

Konsumo di supstansia

Informashon:

Konsumo di supstansia ta un faktor di riesgo pa violensia doméstiko i negligensia. Ademas, alkohòl i sierto droganan por oumentá e komportashon agresivo di un hende. E kontrol di impulso ta keda redusí, loke ta oumentá e riesgo riba violensia pa ku e pareha i/òf yunan. Konsumo di supstansia por okurí tantu serka outor komo serka víktima. Adikshon tin hopi impakto riba mucha. E ta relashoná ku situashonnan di kriansa insigur, ku imprediktibilidat, parentifikashon, ansiedat i problemanan di komportashon. Konsumo di supstansia den embaraso ta daña e beibi i ta un forma di maltrato di mucha. Tratamentu di e adikshon ta redusí e riesgo riba residivismo di violensia doméstiko.

Señalnan:

• Esun ku ta konsumí ta indiká ku e ta usa supstansia pa dil ku problemátika na kas;
• E outor ta indiká ku e víktima tabata "meresé" e violensia debí na konsumo òf e komportashon durante konsumo;
• Ta forsa e víktima pa konsumí supstansia;
• E outor ta menasá ku e lo limitá akseso na supstansia, komo parti di e violensia;
• Tin problemanan finansiero i debe a kousa di e uso di supstansia;
• Ta usa sèn di e pareha òf yunan pa kumpra supstansia;
• Negligensia di responsabilidatnan; tiki atenshon pa yunan (paña sushi, mal higiena, hamber), kas òf pareha, i tiki disponibilidat emoshonal;
• Mucha ta sinti nan mes responsabel pa e kuido por ehèmpel di rumannan chikí.

Tepnan:

• Hasi pregunta tokante di e konsumo di alkohòl òf droga: kua supstansia, na ki momentu i kon frekuente;
• Integrá kuido di adikshon den e enfoke: involukrá kuido di adikshon trempan den e proseso.

Problemátika di salú mental

Informashon:

Malesanan sikiátriko i síkiko ta afektá relashonnan i kriansa di yunan. Yunan di mayornan ku problemátika sikiátriko òf síkiko entre otro por asumí tareanan i responsabilidatnan ku no ta adekuá i no ta kuadra ku e edat di e mucha. Adultonan ku den hubentut a enfrentá violensia doméstiko i/òf maltrato di mucha, tin hopi chèns di bolbe bira víktima òf pa nan mes bira outor di violensia doméstiko i/òf maltrato di mucha. Troumanan di hubentut por kondusí na problemátika síkiko den edat adulto. Adultonan i muchanan ku malesa síkiko ta mas vulnerabel pa bira víktima di violensia. Sea alerta pa stigma i tabú: Problemátika síkiko i violensia doméstiko tur dos ta tópikonan pisá. Víktimanan i outornan por sinti bèrgwensa òf tin miedu ku lo huzga nan.

Señalnan:

• Generalmente, problemanan di salú mental no ta problemanan isolá, sino nan ta bai kompañá di otro problemanan manera adikshon relashoná ku violensia doméstiko;
• Malesanan síkiko ta kousa komportashon impredesibel, loke por kondusí na situashonnan insigur; eksploshonnan di rabia, agreshon, kambionan di estado di ánimo, komportashon paranóiko, deskonfiansa i sikósis;
• Malesanan síkiko den mayor por kousa apego insigur di nan yunan;
• Kehonan depresivo por kondusí na deskuido di e pashènt mes i e miembronan di su famia; falta di kuminda, paña i kuido médiko.

Tepnan:

• Komprenshon pa e antesedente i e problemátika por yuda krea konfiansa.

Hóbennan ku diskapasidat intelektual leve (LVB)

Informashon:

Ora un persona tin un IQ entre 50-85 i tin difikultat pa trata sosialmente, nos ta papia di diskapasidat intelektual leve (LVB). Aproksimadamente 1 di kada 6 siudadano hulandes tin un IQ entre 50-85. Hóbennan ku LVB ta kore mas riesgo pa bira tantu víktima komo outor di violensia. Ademas, personanan ku LVB ta mas vulnerabel pa bira víktima di trafikashon di hende. Nan tin ménos kapasidat pa komprondé e relashon entre kousa i konsekuensia, ta mas fásil pa influensiá nan i nan ta mas krédulo. Trafikantenan di hende konsientemente ta abusá e vulnerabilidatnan aki i tin biaha nan ta reklutá na lokalidatnan kaminda hende ku LVB ta keda. Personanan ku LVB tin 18 biaha mas chèns di bira víktima di eksplotashon seksual. Pa mas informashon tokante di LVB, konsultá Signalenkaart LVB – Landelijk Kenniscentrum LVB

Señalnan di violensia di (èks) pareha den kasonan di LVB:

• Inkapasidat di indiká límitenan na e pareha;
• Nesesidat di ta alkansabel na tur momentu (ta eksperensiá kontrol manera "amor");
• No ta rekonosé dinámikanan insaludabel di relashon (yalursheit, kontrol, dependensia) komo dañino;
• Ta tolerá komportashon dañino, debí na sintimentunan fuerte di namoramentu òf dependensia.

Señalnan di eksplotashon seksual òf kriminal den kasonan di LVB:

• E persona ta poseé un di dos telefòn;
• E tin hopi kontakto nobo;
• E tin akseso na artíkulonan di luho, paña kostoso i/òf hopi sèn kèsh;
• E tin mas sèn di loke por spera a base di un trabou òf djòp;
• E tin kontakto ku personanan ku ta mustra komportashon kriminal.

Tepnan:

• Usa palabra simpel i verifiká ku e persona a komprondé bo;
• Eventualmente, hasi uso di material visual.

Malesa serebral òf problemanan di memoria

Informashon:

Ehèmpelnan di malesa serebral ta entre otro leshon serebral atkerí i demensia. Demensia ta e nòmber kolektivo pa malesanan ku ta afektá serebro, manera Alzheimer. Leshon serebral atkerí (niet-aangeboren hersenletsel – NAH) ta dañonan na e serebro ku un hende a atkerí despues di nasementu. Esakinan por wòrdu kousá por ehèmpel pa un aksidente, un tumor serebral òf un paro kardiako. Aproksimadamente 300.000 persona na Hulanda Oropeo tin demensia, i e kantidat aki ta kresiendo. No tin sifranan konkreto di Hulanda Karibense, sinembargo, e puntonan di konseho i notifikashon konosé vários kaso di demensia den kombinashon ku violensia doméstiko. Anualmente, aproksimadamente 140.000 persona ta keda afektá pa un leshon serebral. Leshon serebral ta kambia bida, tantu pa e pashènt komo pa esnan involukrá. E por kousa hopi strès i preshon di kuido, i p’esei e por afektá e sistema. Debí na esaki, tin mas riesgo riba ku e kuidadó informal no ta funshoná adekuadamente òf riba maltrato di hende grandi. Pa señalnan di kuido informal ku no ta funshoná adekuadamente òf maltrato di hende grandi: konsultá e tarheta di señal konserní.

Señalnan di malesa serebral òf problemanan di memoria:

• Problema di memoria;
• Difikultat pa hasi aktividatnan diario;
• Kibukashonnan ku tempu i lugá;
• Problemanan di lenguahe;
• Pèrdè poseshonnan;
• Mal kapasidat pa evaluá asuntunan;
• Retirá for di kontaktonan sosial;
• Kambionan di komportashon i karakter.

Tepnan:

• Opservá kuidadosamente: wak si tin patronchinan i ripitishon;
• Papia ku e hende konserní i e kuidadó informal separadamente;
• Hasi preguntanan habrí: puntra tokante di sintimentunan di seguridat i rutinanan diario;
• Evaluá deklarashonnan médiko, pero keda alerta riba señalnan apnormal;
• No suponé ku e malesa ta e úniko splikashon pa sierto komportashon òf leshonnan;
• Evitá akusashonnan konfrontativo: esakinan por empeorá e situashon.

LHBTIQA+

Informashon:

Hende muhé lesbiana, hende hòmber homoseksual, hende bi+ i personanan transgénero tin mas probabilidat di eksperensiá violensia doméstiko ku hende sisheteroseksual. Den kaso di hende transgénero, e outor frekuentemente ta mayornan (di kriansa) òf rumannan (di kriansa) (46%) òf e (èks) pareha (25%). Den famianan por pasa ku no ta aseptá un identidat LHBTIQA+ (kompletamente). E transishon di hóbennan transgénero por wòrdu strobá dor di e mayornan. Hende LHBTIQA+ frekuentemente ta sufri di strès di minoria; miedu di enfrentá eksklushon i diskriminashon. Esaki ta stroba nan pa papia di manera habrí durante nan kontaktonan ku asistensia profeshonal. Ademas, esaki ta stroba profeshonalnan pa haña un bista adekuá di e realidat di e situashon. No tur persona transgénero i no-binario ta sinti seif den un refugio pa hende hòmber òf hende muhé. Ta importante pa mantené un aktitut habrí i di aseptashon. Ora asistensia profeshonal mustra inklusividat, esaki ta oumentá hende LHBTIQA+ sinti sufisientemente sigur pa pidi yudansa i apoyo.

Señalnan di strès di minoria:

• Ta papia negativamente di personanan LHBTIQA+;
• Ta papia di e pareha den palabranan general; ta skonde e género di e pareha;
• No tin karakterístikanan visibel ku por indiká un identidat LHBTIQA;
• Violensia ta keda skondí òf trivialisá pa no daña e imágen di e komunidat LHBTIQA+.

Tepnan:

• Sea konsiente di posibel strès di minoria;
• Mustra ku bo tin aktitut positivo pa ku personanan LHBTIQA+;
• Pero no hasi preguntanan innesesariamente kurioso.

Divorsio kompliká

Informashon:

Ta estimá ku 15 pa 20% di e divorsionan den kua tin mucha involukrá, ta kana sumamente difísil. Den aproksimadamente 50% di e divorsionan kompliká aki, tin violensia doméstiko tambe. Mediashon solamente ta funshoná ora ámbos pareha ta dispuesto pa koperá i pa haña un solushon huntu. Den kasonan di teror íntimo, e outor por usa mediashon pa sigui ehersé kontrol i forsa. Mediashon no ta traha den kasonan di teror íntimo.

Señalnan:

• Tin diskushonnan fuerte i reklamonan entre e partnernan ku ta divorsiando;
• Tin proseduranan hurídiko di vários aña;
• Un di e mayornan ta mina e otro mayor: - no ta duna pèrmit pa bai ku fakansi. - no ta aprobá bishita di dòkter. - no ta kumpli ku palabrashonnan unilateralmente
• Un di e mayornan ta papia malu di e otro mayor ku e yunan;
• E yunan ta eksperensiá konfliktonan di lealtat;
• Ta usa e yunan pa ehersé poder riba e otro mayor.

Tepnan:

• Pèrkurá pa haña un imágen kompleto di e situashon: ken-ta-hasi-kiko-na ki momentu-ku kua impakto;
• Verifiká si e yu (t)a presensiá violensia;
• Papia ku (tur) mucha presente;
• Evaluá (un historia di) violensia den pareha durante e relashon.

Animal

Informashon:

E outor por usa e animal komo arma kontra e víktima, por ehèmpel dunando un kachó komando pa e morde. Por usa animalnan komo medio di chantahe, pa menasá, manipulá, kontrolá, humiá, spanta òf forsa un hende pa keda den e relashon. E outor por menasá ku violensia kontra di e animal. Víktimanan ke posponé nan huida pa akohida di hende muhé, pasobra nan no ke laga e animal serka e outor. Afortunadamente, bestianan di kas ta bon biní serka algun lugá di akohida.

Señalnan di e animal:

• E tin leshonnan infliktá (pa hende);
• E tin frakturanan/leshonnan anterior òf ripití;
• E tin leshonnan ku no por splika;
• E tin miedu di e doño;
• E ta hala atras pa ku hende;
• E ta komportá su mes di un manera hopi trankil òf muchu agresivo;
• E tin un aktitut poko reaktivo, depresivo;
• Su komportashon a kambia;
• E no tin sufisiente espasio pa move;
• E ta biba den sirkunstansianan a-higiéniko;
• E no tin su propio lugá pa drumi;
• E no tin akseso na sufisiente kuminda/awa.

Señalnan di e doño:

• E no ta dispuesto pa duna un splikashon pa e leshonnan di e animal;
• E splikashonnan ku e ta duna tokante di e leshonnan di e animal no ta kreibel òf probabel;
• E ta duna diferente splikashonnan (na diferente momentunan) pa e mésun leshonnan;
• E ta reakshoná di manera no apropiá, rabiá òf agresivo riba preguntanan òf notifikashonnan;
• E ta mustra komportashon desviante: e ta ansioso, nèrvioso, agresivo òf inkómodo;
• E no ta dispuesto pa buska asistensia;
• E no ta mustra preokupashon pa e animal;
• E no ta trata e animal di manera adekuá: gròf, purá, brutu, ku hopi bochincha, ku bos duru;
• E no ta duna e animal e kuido ku e mester;
• E no ta satisfasé e nesesidatnan básiko di e animal;
• A mir'é anteriormente ku animalnan leshoná.

Tepnan:

• Puntra si tin animal na kas;
• Papia di e posibilidatnan pa akohida di bestianan di kas.

Hende hòmber / mucha hòmber komo víktima

Informashon:

Anualmente, 80.000 hende hòmber ta víktima di violensia serio den sírkulo doméstiko na e parti oropeo di Hulanda. Pa Hulanda Karibense, no tin sifranan eksakto disponibel pa esaki.

Víktimanan maskulino di violensia doméstiko ta eksperensiá un tabú grandi i inkredulidat den nan entorno. Frekuentemente, nan ta sinti ku nan ta e úniko ku ta pasa den e situashon aki, loke ta pone nan sinti bèrgwensa. Solamente 3% di víktimanan maskulino ta akudí na polis. Hende hòmber òf mucha hòmber sa tin otro maneranan pa ekspresá problemanan òf buska asistensia. Hende hòmber tin mas tendensia di ke solushoná e problema nan mes. Bèrgwensa tambe sa hunga un ròl ainda mas grandi. Tambe den e sistemanan di kuido i bienestar tin prehuisionan (inkonsiente) tokante di violensia kontra hende hòmber i mucha hòmber. Na Hulanda tin refugionan pa hende hòmber ku ta enfrentá violensia doméstiko. Pa mas informashon, konsultá www.mannenmishandeling.nl. Na Hulanda Karibense tin opshonnan di refugio pa víktimanan maskulino. Pa mas informashon, tuma kontakto ku e instansia di konseho i notifikashon riba bo isla.

Señalnan:

• Señalnan físiko: hematoma, kap, leshon di mordementu, kontushon, fraktura prinsipalmente di nanishi, wesu largu i ribchi, kemadura i leshon di kranio;
• Señalnan den e área sikosomátiko: depreshon, temblamentu, doló di kabes òf stoma frekuente, ansiedat, falta di soño, palpitashon i kansansio;
• Señalnan di komportashon: ta evitá kontakto visual, ta posponé sitanan frekuentemente, aktitut sumiso, e solisitutnan di asistensia no ta kla i ta spanta fásilmente;
• Víktimanan maskulino ta akudí na dòkter di kas mas frekuentemente ku promedio, i ta usa remedi pa drumi i analgésiko mas frekuentemente;
• Ta papia di "problema den e relashon" òf ta bisa "kosnan no ta kana bon na kas", ta minimalisá e situashon;
• Ta hopi enfoká riba e búskeda di bibienda alternativo òf solushonnan práktiko durante divorsio;
• Ta deskribí problemanan na kas for di posishon di espektador, òf ta enfoká prinsipalmente riba echonan i sirkunstansianan;

Tepnan:

• Sea konsiente di e echo ku hende hòmber tambe por ta víktima;
• Tuma señalnan na serio.

Antesedente di migrashon

Informashon:

Algun migrante ta dependé di e relashon pa nan státus di residensia, loke ta oumentá e riesgo riba violensia doméstiko. Inseguridat tokante di státus di residensia òf státus indokumentá ta un faktor di riesgo pa violensia doméstiko. Frekuentemente, migrantenan tin ménos konosementu di e sistemanan di kuido i bienestar na Hulanda Karibense, loke ta pone ku pa nan ta mas difísil pa haña akseso na asistensia. Noshonnan estrikto tokante di género por hunga un ròl den e echo ku violensia ta keda skondí. Den algun kaso, e echo ku ta hui pa violensia doméstiko ta motibu pa otorgá un státus di residensia òf pèrmit temporal. Bo ta haña mas informashon tokante di e tópiko aki serka IND: Verblijfsvergunning slachtoffer eergerelateerd of huiselijk geweld | IND. Refugiadonan menor di edat kende ta biaha ku nan mayornan i refugiadonan menor di edat sin supervishon i kompania ta den un posishon ainda mas vulnerabel.

Señalnan:

• E outor ta menasá ku e víktima lo pèrdè e státus di residensia si e violensia sali na kla;
• Ta nenga e asistensia di un tolk sertifiká, apesar ku un miembro di e famia no ta papia ni komprondé hulandes (un miembro di famia ta aktuá komo tolk).

Tepnan:

• Duna informashon tokante di e posibilidatnan di yudansa i akohida den kasonan di violensia doméstiko.

Komunidatnan será

Informashon:

Komunidatnan será por ta di índole religioso, spiritual, terapéutiko, sosial òf ideológiko. Frekuentemente, tin preshon di grupo fuerte, tin tiki espasio pa outonomia y tin pensamentu nos-nan. Por tin hopi preshon pa obedesé normanan i reglanan estrikto, loke ta pone ku víktimanan di violensia doméstiko i maltrato di mucha ta buska yudansa ku ménos fasilidat, òf nan no ta sinti nan mes liber pa duna informashon tokante di nan situashon Mester protehá e grupo, i pa víktimanan ta difísil pa kibra e lealtat aki ku nan tin pa ku e grupo. Hopi biaha tin kòntròl di informashon; ta tene fuentenan krítiko òf hende di pafó riba un distansia, òf ta kalifiká nan komo peligroso Pa profeshonalnan, esaki ta nifiká ku tin biaha, ta difísil pa identifiká señalnan. Tin mas riesgo riba dependensia, aislamentu i violensia doméstiko.

Señalnan:

• Un hende ta bisa ku e ta forma parti di un grupo ku ta tuma hopi tempu i energia;
• Ta limitá òf deskurashá kontakto ku famia, amigunan òf hende di pafó;
• Tin un herarkia estrikto i rígido òf (un) lider(nan) sentral ku hopi influensia;
• Ta usa lenguahe, ritualnan òf reglanan spesífiko ku ta diferensiá di e mundu pafó;
• Di ripiente ta kibra kontaktonan sosial di ántes, òf ta stòp ku skol/trabou;

Tepnan:

• Mantené kontakto ta prioridat; ta hopi importante pa mantené konekshon;
• Puntra pa posibilidatnan pa tene kontakto, i tuma nota di preferensianan;
• Aserká e persona sin huzga i usa lenguahe neutral (por ehèmpel, evitá palabranan manera sekta);
• Registrá kuidadosamente unda e persona ta keda, e sirkunstansianan di kontakto (si e persona por tuma kontakto libremente) i si ya kaba tin instansianan involukrá;
• Purba komprondé e bista di mundu di e persona. Hopi biaha e persona ta parse konfundí; purba komprondé kiko ta pasa tras di e komportashon konfundí;
• Splika klaramente ku lo no aktuá sin konsultá kuidadosamente ku e persona involukrá; no ta tuma kontakto ku miembronan di e komunidat será sin konsultá e víktima;
• Splika e personanan involukrá ku e promé prioridat ta e protekshon di e víktima(nan);
• Tuma nota di relashonnan di dependensia. Den kaso di menornan di edat; inventarisá kua miembronan di e famia ta den e grupo i kua di nan ta pafó di e grupo, si tin kontakto ku famia pafó di e komunidat, i si tin kuidadónan alternativo;
• Tene kòmbersashonnan konfidensial i splika e víktima esaki eksplísitamente, pero sin primintí sekresia;
• Den kaso di konvikshonnan ekstremo (por ehèmpel ekstremo drechi òf ekstremismo religioso): drenta e kòmbersashon sin huzga. Identifiká si tin peliger pa e persona mes, su entorno òf sosiedat. Determiná si e konvikshon por eksistí pafó di e komunidat, i kon grandi e apoyo ta den sosiedat.

Violensia seksual

Informashon:

Violensia seksual ta nifiká ku un persona mester hasi, eksperensiá òf wak aktonan seksual sin konsentimentu (consent) kla i boluntario. Generalmente, e ta tuma lugá den situashonnan ku diferensia di poder, por ehèmpel den famianan, relashonnan sentimental òf relashonnan di dependensia. Frekuentemente, violensia seksual ta keda skondí pa hopi tempu, i e víktimanan no sa mustra señalnan (konkreto).

Konsentimentu ta nifiká ku un persona ta bai di akuerdo di manera boluntario, konsiente i kla, ku aktonan seksual. Menornan di edat, hende ku diskapasidat mental òf den relashonnan di outoridat (por ehèmpel den kuido, enseñansa òf religion) konsentimentu ta ainda mas vulnerabel.

Ehèmpelnan di violensia seksual hands-on (ku kontakto físiko):

• Sunchi òf mishi di manera no deseá;
• Sekso manual òf oral no deseá;
• Penetrashon vaginal òf anal no deseá;
• Penetrashon no deseá ku ophetonan;
• Stealthing: kita kondon den sekreto durante sekso sin ku a duna pèrmit pa esaki.

Ehèmpelnan di violensia seksual hands-off (sin kontakto físiko):

• Sexting no deseá òf distribushon di imágennan sunú;
• (Obligashon di) wak pornografia òf aktonan seksual;
• Masturbashon seksual no deseá òf forsá;
• Grooming (sedukshon digital di mucha) òf sextortion (chantahe online ku imágennan seksual);
• Eksposishon di kurpa no deseá òf forsá;

Señalnan:

No tin karakterístikanan di komportashon fiho ku ta indiká violensia seksual klaramente. E señalnan ta varia hopi di persona pa persona. Hopi di e víktimanan no ta mustra señal òf ta mustra tiki señal, per ehèmpel debí na bèrgwensa, kulpa, miedu òf lealtat pa ku e outor. Dediká atenshon partikular na komportashon ku ta desviá di e norma. Kiko ta komportashon normal pa un mucha di tres aña, i kiko no ta? Òf: e persona su komportashon a kambia?

Un señal ku sèmper ta indiká violensia seksual:

• malesa di transmishon seksual òf embaraso den mucha bou di 12 aña di edat

Tepnan despues di un revelashon (disclosure):

• Reakshoná di manera trankil i sin husga;
• Bisa eksplísitamente ku no ta e víktima su kulpa;
• Normalisá e emoshonnan: tur loke un hende ta sinti ta komprendibel;
• Puntra kiko na e momento ei ta mas importante pa e persona involukrá;
• Eksplorá huntu ki tipo di asistensia ta nesesario (médiko, sikológiko, hurídiko);
• Laga e paña i e lugá kaminda e akto a sosodé mas intakto posibel;
• Tene kuidou ku kontakto físiko: puntra si kontakto físiko ta deseá;
• Ofresé pa yuda pensa riba e siguiente pasonan òf buska yudansa;
• Den kaso di mucha:
  • Despues di e kòmbersashon, yuda e mucha bini bèk den e situashon presente, pa e keda den un situashon seif;
  • Informá e mucha tokante di e pasonan siguiente, e lokual ku e por spera di e profeshonal, i ken e por tuma kontakto kuné miéntras tantu;
  • Verifiká ku tin apoyo formal i informal disponibel den e sírkulo di e mucha.

Stalking

Informashon:

Stalking ta nifiká ku ta sigui un hende di manera fèrfelu òf ta akosá un hende. Stalking ta un akto kastigabel. Tuma e sintimentu di víktima na serio. Si nan realmente tin miedu, tin hopi riesgo riba peliger/menasa. Si ta intervení den fase trempan, por evitá eskalashon. Paga bon tinu na kambionan di komportashon di e outor (eskalashon di komportashon) i e víktima (ansiedat, hiperalerta, aislamentu, problemanan di soño). Víktimanan di stalking tin derecho riba protekshon. Por ehèmpel, por imponé un prohibishon di drenta sierto área, òf un prohibishon di kontakto.

Señalnan ku ta indiká peliger agudo den kasonan di stalking:

• E stalker tin akseso na arma;
• E stalker a yega di violá un prohibishon di kontakto;
• E stalker a ser kondená anteriormente pa komportashon kriminal;
• E stalker tin problemátika sikiátriko;
• E stalker ta parse desesperá òf opsesivo (por ehèmpel despues di e terminashon di un relashon òf otro evento di bida) i no ta mira otro opshon ku uso di violensia;
• E stalker tin ideanan di suisidio, ta papia di esaki òf a yega di hasi un intento;
• E stalker tin ideanan di asesinato;
• Eskalashon di e komportashon di e stalker; e stalker ta bira mas insistente òf agresivo, ta menasá ku violensia òf tin violensia, e frekuensia di e momentunan di kontakto ta oumentá;
• Ansiedat i strès serka e víktima; e víktima tin miedu di loke e stalker por hasi, tin problemanan di soño, tin atakenan di pániko, ta sinti su mes insigur na tur momentu.

Tepnan:

• Tuma señalnan di stalking na serio.
• Tuma kontakto ku e Instansia di Konseho i Notifikashon Violensia Doméstiko i Maltrato di Mucha, i ku polis;
• Ta importante pa rekopilá pruebanan.

Violensia digital i online

Informashon:

Kada bes mas, formanan di violensia digital ta forma parti di violensia doméstiko. Formanan di violensia online ta; akoso online, skucha kòmbersashonnan den sekreto, stalking digital, shame sexting, grooming, sextortion, pornografia di vengansa, abuso finansiero i froude di identidat. Den kasonan di shame sexting òf pornografia di vengansa, e konteksto kultural por tin impakto adishonal riba e víktima.

Señalnan:

• Frekuentemente, víktimanan ta sinti bèrgwensa, loke ta pone ku posibelmente nan no ta mèldu un insidente;
• Nan por tin miedu di e reakshon di sernan kerí, nan por sufri di kehonan síkiko (manera depreshon) i eksperensiá oumento di strès;
• Víktimanan ta retirá i ta evitá kontaktonan i aktividatnan sosial;
• E víktima ta ousente di trabou òf skol.

Tepnan:

• Puntra eksplísitamente pa eksperensianan fèrfelu online;
• Yuda ku pasonan práktiko: eliminá kontenido, kambio klavenan di kuentanan i konfigurashon di privasidat riba medionan sosial, rekopilashon di pruebanan, hasi denunsia;
• Si mester, tuma kontakto ku e Instansia di Konseho i Notifikashon Violensia Doméstiko i Maltrato di Mucha, òf konsultá: Welkom bij safetyNed – alles over #veiligonline

Konsumo di supstansia

Informashon:

Konsumo di supstansia ta un faktor di riesgo pa violensia doméstiko i negligensia. Ademas, alkohòl i sierto droganan por oumentá e komportashon agresivo di un hende. E kontrol di impulso ta keda redusí, loke ta oumentá e riesgo riba violensia pa ku e pareha i/òf yunan. Konsumo di supstansia por okurí tantu serka outor komo serka víktima. Adikshon tin hopi impakto riba mucha. E ta relashoná ku situashonnan di kriansa insigur, ku imprediktibilidat, parentifikashon, ansiedat i problemanan di komportashon. Konsumo di supstansia den embaraso ta daña e beibi i ta un forma di maltrato di mucha. Tratamentu di e adikshon ta redusí e riesgo riba residivismo di violensia doméstiko.

Señalnan:

• Esun ku ta konsumí ta indiká ku e ta usa supstansia pa dil ku problemátika na kas;
• E outor ta indiká ku e víktima tabata "meresé" e violensia debí na konsumo òf e komportashon durante konsumo;
• Ta forsa e víktima pa konsumí supstansia;
• E outor ta menasá ku e lo limitá akseso na supstansia, komo parti di e violensia;
• Tin problemanan finansiero i debe a kousa di e uso di supstansia;
• Ta usa sèn di e pareha òf yunan pa kumpra supstansia;
• Negligensia di responsabilidatnan; tiki atenshon pa yunan (paña sushi, mal higiena, hamber), kas òf pareha, i tiki disponibilidat emoshonal;
• Mucha ta sinti nan mes responsabel pa e kuido por ehèmpel di rumannan chikí.

Tepnan:

• Hasi pregunta tokante di e konsumo di alkohòl òf droga: kua supstansia, na ki momentu i kon frekuente;
• Integrá kuido di adikshon den e enfoke: involukrá kuido di adikshon trempan den e proseso.

Problemátika di salú mental

Informashon:

Malesanan sikiátriko i síkiko ta afektá relashonnan i kriansa di yunan. Yunan di mayornan ku problemátika sikiátriko òf síkiko entre otro por asumí tareanan i responsabilidatnan ku no ta adekuá i no ta kuadra ku e edat di e mucha. Adultonan ku den hubentut a enfrentá violensia doméstiko i/òf maltrato di mucha, tin hopi chèns di bolbe bira víktima òf pa nan mes bira outor di violensia doméstiko i/òf maltrato di mucha. Troumanan di hubentut por kondusí na problemátika síkiko den edat adulto. Adultonan i muchanan ku malesa síkiko ta mas vulnerabel pa bira víktima di violensia. Sea alerta pa stigma i tabú: Problemátika síkiko i violensia doméstiko tur dos ta tópikonan pisá. Víktimanan i outornan por sinti bèrgwensa òf tin miedu ku lo huzga nan.

Señalnan:

• Generalmente, problemanan di salú mental no ta problemanan isolá, sino nan ta bai kompañá di otro problemanan manera adikshon relashoná ku violensia doméstiko;
• Malesanan síkiko ta kousa komportashon impredesibel, loke por kondusí na situashonnan insigur; eksploshonnan di rabia, agreshon, kambionan di estado di ánimo, komportashon paranóiko, deskonfiansa i sikósis;
• Malesanan síkiko den mayor por kousa apego insigur di nan yunan;
• Kehonan depresivo por kondusí na deskuido di e pashènt mes i e miembronan di su famia; falta di kuminda, paña i kuido médiko.

Tepnan:

• Komprenshon pa e antesedente i e problemátika por yuda krea konfiansa.

Hóbennan ku diskapasidat intelektual leve (LVB)

Informashon:

Ora un persona tin un IQ entre 50-85 i tin difikultat pa trata sosialmente, nos ta papia di diskapasidat intelektual leve (LVB). Aproksimadamente 1 di kada 6 siudadano hulandes tin un IQ entre 50-85. Hóbennan ku LVB ta kore mas riesgo pa bira tantu víktima komo outor di violensia. Ademas, personanan ku LVB ta mas vulnerabel pa bira víktima di trafikashon di hende. Nan tin ménos kapasidat pa komprondé e relashon entre kousa i konsekuensia, ta mas fásil pa influensiá nan i nan ta mas krédulo. Trafikantenan di hende konsientemente ta abusá e vulnerabilidatnan aki i tin biaha nan ta reklutá na lokalidatnan kaminda hende ku LVB ta keda. Personanan ku LVB tin 18 biaha mas chèns di bira víktima di eksplotashon seksual. Pa mas informashon tokante di LVB, konsultá Signalenkaart LVB – Landelijk Kenniscentrum LVB

Señalnan di violensia di (èks) pareha den kasonan di LVB:

• Inkapasidat di indiká límitenan na e pareha;
• Nesesidat di ta alkansabel na tur momentu (ta eksperensiá kontrol manera "amor");
• No ta rekonosé dinámikanan insaludabel di relashon (yalursheit, kontrol, dependensia) komo dañino;
• Ta tolerá komportashon dañino, debí na sintimentunan fuerte di namoramentu òf dependensia.

Señalnan di eksplotashon seksual òf kriminal den kasonan di LVB:

• E persona ta poseé un di dos telefòn;
• E tin hopi kontakto nobo;
• E tin akseso na artíkulonan di luho, paña kostoso i/òf hopi sèn kèsh;
• E tin mas sèn di loke por spera a base di un trabou òf djòp;
• E tin kontakto ku personanan ku ta mustra komportashon kriminal.

Tepnan:

• Usa palabra simpel i verifiká ku e persona a komprondé bo;
• Eventualmente, hasi uso di material visual.

Malesa serebral òf problemanan di memoria

Informashon:

Ehèmpelnan di malesa serebral ta entre otro leshon serebral atkerí i demensia. Demensia ta e nòmber kolektivo pa malesanan ku ta afektá serebro, manera Alzheimer. Leshon serebral atkerí (niet-aangeboren hersenletsel – NAH) ta dañonan na e serebro ku un hende a atkerí despues di nasementu. Esakinan por wòrdu kousá por ehèmpel pa un aksidente, un tumor serebral òf un paro kardiako. Aproksimadamente 300.000 persona na Hulanda Oropeo tin demensia, i e kantidat aki ta kresiendo. No tin sifranan konkreto di Hulanda Karibense, sinembargo, e puntonan di konseho i notifikashon konosé vários kaso di demensia den kombinashon ku violensia doméstiko. Anualmente, aproksimadamente 140.000 persona ta keda afektá pa un leshon serebral. Leshon serebral ta kambia bida, tantu pa e pashènt komo pa esnan involukrá. E por kousa hopi strès i preshon di kuido, i p’esei e por afektá e sistema. Debí na esaki, tin mas riesgo riba ku e kuidadó informal no ta funshoná adekuadamente òf riba maltrato di hende grandi. Pa señalnan di kuido informal ku no ta funshoná adekuadamente òf maltrato di hende grandi: konsultá e tarheta di señal konserní.

Señalnan di malesa serebral òf problemanan di memoria:

• Problema di memoria;
• Difikultat pa hasi aktividatnan diario;
• Kibukashonnan ku tempu i lugá;
• Problemanan di lenguahe;
• Pèrdè poseshonnan;
• Mal kapasidat pa evaluá asuntunan;
• Retirá for di kontaktonan sosial;
• Kambionan di komportashon i karakter.

Tepnan:

• Opservá kuidadosamente: wak si tin patronchinan i ripitishon;
• Papia ku e hende konserní i e kuidadó informal separadamente;
• Hasi preguntanan habrí: puntra tokante di sintimentunan di seguridat i rutinanan diario;
• Evaluá deklarashonnan médiko, pero keda alerta riba señalnan apnormal;
• No suponé ku e malesa ta e úniko splikashon pa sierto komportashon òf leshonnan;
• Evitá akusashonnan konfrontativo: esakinan por empeorá e situashon.

LHBTIQA+

Informashon:

Hende muhé lesbiana, hende hòmber homoseksual, hende bi+ i personanan transgénero tin mas probabilidat di eksperensiá violensia doméstiko ku hende sisheteroseksual. Den kaso di hende transgénero, e outor frekuentemente ta mayornan (di kriansa) òf rumannan (di kriansa) (46%) òf e (èks) pareha (25%). Den famianan por pasa ku no ta aseptá un identidat LHBTIQA+ (kompletamente). E transishon di hóbennan transgénero por wòrdu strobá dor di e mayornan. Hende LHBTIQA+ frekuentemente ta sufri di strès di minoria; miedu di enfrentá eksklushon i diskriminashon. Esaki ta stroba nan pa papia di manera habrí durante nan kontaktonan ku asistensia profeshonal. Ademas, esaki ta stroba profeshonalnan pa haña un bista adekuá di e realidat di e situashon. No tur persona transgénero i no-binario ta sinti seif den un refugio pa hende hòmber òf hende muhé. Ta importante pa mantené un aktitut habrí i di aseptashon. Ora asistensia profeshonal mustra inklusividat, esaki ta oumentá hende LHBTIQA+ sinti sufisientemente sigur pa pidi yudansa i apoyo.

Señalnan di strès di minoria:

• Ta papia negativamente di personanan LHBTIQA+;
• Ta papia di e pareha den palabranan general; ta skonde e género di e pareha;
• No tin karakterístikanan visibel ku por indiká un identidat LHBTIQA;
• Violensia ta keda skondí òf trivialisá pa no daña e imágen di e komunidat LHBTIQA+.

Tepnan:

• Sea konsiente di posibel strès di minoria;
• Mustra ku bo tin aktitut positivo pa ku personanan LHBTIQA+;
• Pero no hasi preguntanan innesesariamente kurioso.

Divorsio kompliká

Informashon:

Ta estimá ku 15 pa 20% di e divorsionan den kua tin mucha involukrá, ta kana sumamente difísil. Den aproksimadamente 50% di e divorsionan kompliká aki, tin violensia doméstiko tambe. Mediashon solamente ta funshoná ora ámbos pareha ta dispuesto pa koperá i pa haña un solushon huntu. Den kasonan di teror íntimo, e outor por usa mediashon pa sigui ehersé kontrol i forsa. Mediashon no ta traha den kasonan di teror íntimo.

Señalnan:

• Tin diskushonnan fuerte i reklamonan entre e partnernan ku ta divorsiando;
• Tin proseduranan hurídiko di vários aña;
• Un di e mayornan ta mina e otro mayor: - no ta duna pèrmit pa bai ku fakansi. - no ta aprobá bishita di dòkter. - no ta kumpli ku palabrashonnan unilateralmente
• Un di e mayornan ta papia malu di e otro mayor ku e yunan;
• E yunan ta eksperensiá konfliktonan di lealtat;
• Ta usa e yunan pa ehersé poder riba e otro mayor.

Tepnan:

• Pèrkurá pa haña un imágen kompleto di e situashon: ken-ta-hasi-kiko-na ki momentu-ku kua impakto;
• Verifiká si e yu (t)a presensiá violensia;
• Papia ku (tur) mucha presente;
• Evaluá (un historia di) violensia den pareha durante e relashon.

Animal

Informashon:

E outor por usa e animal komo arma kontra e víktima, por ehèmpel dunando un kachó komando pa e morde. Por usa animalnan komo medio di chantahe, pa menasá, manipulá, kontrolá, humiá, spanta òf forsa un hende pa keda den e relashon. E outor por menasá ku violensia kontra di e animal. Víktimanan ke posponé nan huida pa akohida di hende muhé, pasobra nan no ke laga e animal serka e outor. Afortunadamente, bestianan di kas ta bon biní serka algun lugá di akohida.

Señalnan di e animal:

• E tin leshonnan infliktá (pa hende);
• E tin frakturanan/leshonnan anterior òf ripití;
• E tin leshonnan ku no por splika;
• E tin miedu di e doño;
• E ta hala atras pa ku hende;
• E ta komportá su mes di un manera hopi trankil òf muchu agresivo;
• E tin un aktitut poko reaktivo, depresivo;
• Su komportashon a kambia;
• E no tin sufisiente espasio pa move;
• E ta biba den sirkunstansianan a-higiéniko;
• E no tin su propio lugá pa drumi;
• E no tin akseso na sufisiente kuminda/awa.

Señalnan di e doño:

• E no ta dispuesto pa duna un splikashon pa e leshonnan di e animal;
• E splikashonnan ku e ta duna tokante di e leshonnan di e animal no ta kreibel òf probabel;
• E ta duna diferente splikashonnan (na diferente momentunan) pa e mésun leshonnan;
• E ta reakshoná di manera no apropiá, rabiá òf agresivo riba preguntanan òf notifikashonnan;
• E ta mustra komportashon desviante: e ta ansioso, nèrvioso, agresivo òf inkómodo;
• E no ta dispuesto pa buska asistensia;
• E no ta mustra preokupashon pa e animal;
• E no ta trata e animal di manera adekuá: gròf, purá, brutu, ku hopi bochincha, ku bos duru;
• E no ta duna e animal e kuido ku e mester;
• E no ta satisfasé e nesesidatnan básiko di e animal;
• A mir'é anteriormente ku animalnan leshoná.

Tepnan:

• Puntra si tin animal na kas;
• Papia di e posibilidatnan pa akohida di bestianan di kas.

Hende hòmber / mucha hòmber komo víktima

Informashon:

Anualmente, 80.000 hende hòmber ta víktima di violensia serio den sírkulo doméstiko na e parti oropeo di Hulanda. Pa Hulanda Karibense, no tin sifranan eksakto disponibel pa esaki.

Víktimanan maskulino di violensia doméstiko ta eksperensiá un tabú grandi i inkredulidat den nan entorno. Frekuentemente, nan ta sinti ku nan ta e úniko ku ta pasa den e situashon aki, loke ta pone nan sinti bèrgwensa. Solamente 3% di víktimanan maskulino ta akudí na polis. Hende hòmber òf mucha hòmber sa tin otro maneranan pa ekspresá problemanan òf buska asistensia. Hende hòmber tin mas tendensia di ke solushoná e problema nan mes. Bèrgwensa tambe sa hunga un ròl ainda mas grandi. Tambe den e sistemanan di kuido i bienestar tin prehuisionan (inkonsiente) tokante di violensia kontra hende hòmber i mucha hòmber. Na Hulanda tin refugionan pa hende hòmber ku ta enfrentá violensia doméstiko. Pa mas informashon, konsultá www.mannenmishandeling.nl. Na Hulanda Karibense tin opshonnan di refugio pa víktimanan maskulino. Pa mas informashon, tuma kontakto ku e instansia di konseho i notifikashon riba bo isla.

Señalnan:

• Señalnan físiko: hematoma, kap, leshon di mordementu, kontushon, fraktura prinsipalmente di nanishi, wesu largu i ribchi, kemadura i leshon di kranio;
• Señalnan den e área sikosomátiko: depreshon, temblamentu, doló di kabes òf stoma frekuente, ansiedat, falta di soño, palpitashon i kansansio;
• Señalnan di komportashon: ta evitá kontakto visual, ta posponé sitanan frekuentemente, aktitut sumiso, e solisitutnan di asistensia no ta kla i ta spanta fásilmente;
• Víktimanan maskulino ta akudí na dòkter di kas mas frekuentemente ku promedio, i ta usa remedi pa drumi i analgésiko mas frekuentemente;
• Ta papia di "problema den e relashon" òf ta bisa "kosnan no ta kana bon na kas", ta minimalisá e situashon;
• Ta hopi enfoká riba e búskeda di bibienda alternativo òf solushonnan práktiko durante divorsio;
• Ta deskribí problemanan na kas for di posishon di espektador, òf ta enfoká prinsipalmente riba echonan i sirkunstansianan;

Tepnan:

• Sea konsiente di e echo ku hende hòmber tambe por ta víktima;
• Tuma señalnan na serio.

Antesedente di migrashon

Informashon:

Algun migrante ta dependé di e relashon pa nan státus di residensia, loke ta oumentá e riesgo riba violensia doméstiko. Inseguridat tokante di státus di residensia òf státus indokumentá ta un faktor di riesgo pa violensia doméstiko. Frekuentemente, migrantenan tin ménos konosementu di e sistemanan di kuido i bienestar na Hulanda Karibense, loke ta pone ku pa nan ta mas difísil pa haña akseso na asistensia. Noshonnan estrikto tokante di género por hunga un ròl den e echo ku violensia ta keda skondí. Den algun kaso, e echo ku ta hui pa violensia doméstiko ta motibu pa otorgá un státus di residensia òf pèrmit temporal. Bo ta haña mas informashon tokante di e tópiko aki serka IND: Verblijfsvergunning slachtoffer eergerelateerd of huiselijk geweld | IND. Refugiadonan menor di edat kende ta biaha ku nan mayornan i refugiadonan menor di edat sin supervishon i kompania ta den un posishon ainda mas vulnerabel.

Señalnan:

• E outor ta menasá ku e víktima lo pèrdè e státus di residensia si e violensia sali na kla;
• Ta nenga e asistensia di un tolk sertifiká, apesar ku un miembro di e famia no ta papia ni komprondé hulandes (un miembro di famia ta aktuá komo tolk).

Tepnan:

• Duna informashon tokante di e posibilidatnan di yudansa i akohida den kasonan di violensia doméstiko.

Komunidatnan será

Informashon:

Komunidatnan será por ta di índole religioso, spiritual, terapéutiko, sosial òf ideológiko. Frekuentemente, tin preshon di grupo fuerte, tin tiki espasio pa outonomia y tin pensamentu nos-nan. Por tin hopi preshon pa obedesé normanan i reglanan estrikto, loke ta pone ku víktimanan di violensia doméstiko i maltrato di mucha ta buska yudansa ku ménos fasilidat, òf nan no ta sinti nan mes liber pa duna informashon tokante di nan situashon Mester protehá e grupo, i pa víktimanan ta difísil pa kibra e lealtat aki ku nan tin pa ku e grupo. Hopi biaha tin kòntròl di informashon; ta tene fuentenan krítiko òf hende di pafó riba un distansia, òf ta kalifiká nan komo peligroso Pa profeshonalnan, esaki ta nifiká ku tin biaha, ta difísil pa identifiká señalnan. Tin mas riesgo riba dependensia, aislamentu i violensia doméstiko.

Señalnan:

• Un hende ta bisa ku e ta forma parti di un grupo ku ta tuma hopi tempu i energia;
• Ta limitá òf deskurashá kontakto ku famia, amigunan òf hende di pafó;
• Tin un herarkia estrikto i rígido òf (un) lider(nan) sentral ku hopi influensia;
• Ta usa lenguahe, ritualnan òf reglanan spesífiko ku ta diferensiá di e mundu pafó;
• Di ripiente ta kibra kontaktonan sosial di ántes, òf ta stòp ku skol/trabou;

Tepnan:

• Mantené kontakto ta prioridat; ta hopi importante pa mantené konekshon;
• Puntra pa posibilidatnan pa tene kontakto, i tuma nota di preferensianan;
• Aserká e persona sin huzga i usa lenguahe neutral (por ehèmpel, evitá palabranan manera sekta);
• Registrá kuidadosamente unda e persona ta keda, e sirkunstansianan di kontakto (si e persona por tuma kontakto libremente) i si ya kaba tin instansianan involukrá;
• Purba komprondé e bista di mundu di e persona. Hopi biaha e persona ta parse konfundí; purba komprondé kiko ta pasa tras di e komportashon konfundí;
• Splika klaramente ku lo no aktuá sin konsultá kuidadosamente ku e persona involukrá; no ta tuma kontakto ku miembronan di e komunidat será sin konsultá e víktima;
• Splika e personanan involukrá ku e promé prioridat ta e protekshon di e víktima(nan);
• Tuma nota di relashonnan di dependensia. Den kaso di menornan di edat; inventarisá kua miembronan di e famia ta den e grupo i kua di nan ta pafó di e grupo, si tin kontakto ku famia pafó di e komunidat, i si tin kuidadónan alternativo;
• Tene kòmbersashonnan konfidensial i splika e víktima esaki eksplísitamente, pero sin primintí sekresia;
• Den kaso di konvikshonnan ekstremo (por ehèmpel ekstremo drechi òf ekstremismo religioso): drenta e kòmbersashon sin huzga. Identifiká si tin peliger pa e persona mes, su entorno òf sosiedat. Determiná si e konvikshon por eksistí pafó di e komunidat, i kon grandi e apoyo ta den sosiedat.

Violensia seksual

Informashon:

Violensia seksual ta nifiká ku un persona mester hasi, eksperensiá òf wak aktonan seksual sin konsentimentu (consent) kla i boluntario. Generalmente, e ta tuma lugá den situashonnan ku diferensia di poder, por ehèmpel den famianan, relashonnan sentimental òf relashonnan di dependensia. Frekuentemente, violensia seksual ta keda skondí pa hopi tempu, i e víktimanan no sa mustra señalnan (konkreto).

Konsentimentu ta nifiká ku un persona ta bai di akuerdo di manera boluntario, konsiente i kla, ku aktonan seksual. Menornan di edat, hende ku diskapasidat mental òf den relashonnan di outoridat (por ehèmpel den kuido, enseñansa òf religion) konsentimentu ta ainda mas vulnerabel.

Ehèmpelnan di violensia seksual hands-on (ku kontakto físiko):

• Sunchi òf mishi di manera no deseá;
• Sekso manual òf oral no deseá;
• Penetrashon vaginal òf anal no deseá;
• Penetrashon no deseá ku ophetonan;
• Stealthing: kita kondon den sekreto durante sekso sin ku a duna pèrmit pa esaki.

Ehèmpelnan di violensia seksual hands-off (sin kontakto físiko):

• Sexting no deseá òf distribushon di imágennan sunú;
• (Obligashon di) wak pornografia òf aktonan seksual;
• Masturbashon seksual no deseá òf forsá;
• Grooming (sedukshon digital di mucha) òf sextortion (chantahe online ku imágennan seksual);
• Eksposishon di kurpa no deseá òf forsá;

Señalnan:

No tin karakterístikanan di komportashon fiho ku ta indiká violensia seksual klaramente. E señalnan ta varia hopi di persona pa persona. Hopi di e víktimanan no ta mustra señal òf ta mustra tiki señal, per ehèmpel debí na bèrgwensa, kulpa, miedu òf lealtat pa ku e outor. Dediká atenshon partikular na komportashon ku ta desviá di e norma. Kiko ta komportashon normal pa un mucha di tres aña, i kiko no ta? Òf: e persona su komportashon a kambia?

Un señal ku sèmper ta indiká violensia seksual:

• malesa di transmishon seksual òf embaraso den mucha bou di 12 aña di edat

Tepnan despues di un revelashon (disclosure):

• Reakshoná di manera trankil i sin husga;
• Bisa eksplísitamente ku no ta e víktima su kulpa;
• Normalisá e emoshonnan: tur loke un hende ta sinti ta komprendibel;
• Puntra kiko na e momento ei ta mas importante pa e persona involukrá;
• Eksplorá huntu ki tipo di asistensia ta nesesario (médiko, sikológiko, hurídiko);
• Laga e paña i e lugá kaminda e akto a sosodé mas intakto posibel;
• Tene kuidou ku kontakto físiko: puntra si kontakto físiko ta deseá;
• Ofresé pa yuda pensa riba e siguiente pasonan òf buska yudansa;
• Den kaso di mucha:
  • Despues di e kòmbersashon, yuda e mucha bini bèk den e situashon presente, pa e keda den un situashon seif;
  • Informá e mucha tokante di e pasonan siguiente, e lokual ku e por spera di e profeshonal, i ken e por tuma kontakto kuné miéntras tantu;
  • Verifiká ku tin apoyo formal i informal disponibel den e sírkulo di e mucha.

Stalking

Informashon:

Stalking ta nifiká ku ta sigui un hende di manera fèrfelu òf ta akosá un hende. Stalking ta un akto kastigabel. Tuma e sintimentu di víktima na serio. Si nan realmente tin miedu, tin hopi riesgo riba peliger/menasa. Si ta intervení den fase trempan, por evitá eskalashon. Paga bon tinu na kambionan di komportashon di e outor (eskalashon di komportashon) i e víktima (ansiedat, hiperalerta, aislamentu, problemanan di soño). Víktimanan di stalking tin derecho riba protekshon. Por ehèmpel, por imponé un prohibishon di drenta sierto área, òf un prohibishon di kontakto.

Señalnan ku ta indiká peliger agudo den kasonan di stalking:

• E stalker tin akseso na arma;
• E stalker a yega di violá un prohibishon di kontakto;
• E stalker a ser kondená anteriormente pa komportashon kriminal;
• E stalker tin problemátika sikiátriko;
• E stalker ta parse desesperá òf opsesivo (por ehèmpel despues di e terminashon di un relashon òf otro evento di bida) i no ta mira otro opshon ku uso di violensia;
• E stalker tin ideanan di suisidio, ta papia di esaki òf a yega di hasi un intento;
• E stalker tin ideanan di asesinato;
• Eskalashon di e komportashon di e stalker; e stalker ta bira mas insistente òf agresivo, ta menasá ku violensia òf tin violensia, e frekuensia di e momentunan di kontakto ta oumentá;
• Ansiedat i strès serka e víktima; e víktima tin miedu di loke e stalker por hasi, tin problemanan di soño, tin atakenan di pániko, ta sinti su mes insigur na tur momentu.

Tepnan:

• Tuma señalnan di stalking na serio.
• Tuma kontakto ku e Instansia di Konseho i Notifikashon Violensia Doméstiko i Maltrato di Mucha, i ku polis;
• Ta importante pa rekopilá pruebanan.

Violensia digital i online

Informashon:

Kada bes mas, formanan di violensia digital ta forma parti di violensia doméstiko. Formanan di violensia online ta; akoso online, skucha kòmbersashonnan den sekreto, stalking digital, shame sexting, grooming, sextortion, pornografia di vengansa, abuso finansiero i froude di identidat. Den kasonan di shame sexting òf pornografia di vengansa, e konteksto kultural por tin impakto adishonal riba e víktima.

Señalnan:

• Frekuentemente, víktimanan ta sinti bèrgwensa, loke ta pone ku posibelmente nan no ta mèldu un insidente;
• Nan por tin miedu di e reakshon di sernan kerí, nan por sufri di kehonan síkiko (manera depreshon) i eksperensiá oumento di strès;
• Víktimanan ta retirá i ta evitá kontaktonan i aktividatnan sosial;
• E víktima ta ousente di trabou òf skol.

Tepnan:

• Puntra eksplísitamente pa eksperensianan fèrfelu online;
• Yuda ku pasonan práktiko: eliminá kontenido, kambio klavenan di kuentanan i konfigurashon di privasidat riba medionan sosial, rekopilashon di pruebanan, hasi denunsia;
• Si mester, tuma kontakto ku e Instansia di Konseho i Notifikashon Violensia Doméstiko i Maltrato di Mucha, òf konsultá: Welkom bij safetyNed – alles over #veiligonline

Konsumo di supstansia

Informashon:

Konsumo di supstansia ta un faktor di riesgo pa violensia doméstiko i negligensia. Ademas, alkohòl i sierto droganan por oumentá e komportashon agresivo di un hende. E kontrol di impulso ta keda redusí, loke ta oumentá e riesgo riba violensia pa ku e pareha i/òf yunan. Konsumo di supstansia por okurí tantu serka outor komo serka víktima. Adikshon tin hopi impakto riba mucha. E ta relashoná ku situashonnan di kriansa insigur, ku imprediktibilidat, parentifikashon, ansiedat i problemanan di komportashon. Konsumo di supstansia den embaraso ta daña e beibi i ta un forma di maltrato di mucha. Tratamentu di e adikshon ta redusí e riesgo riba residivismo di violensia doméstiko.

Señalnan:

• Esun ku ta konsumí ta indiká ku e ta usa supstansia pa dil ku problemátika na kas;
• E outor ta indiká ku e víktima tabata "meresé" e violensia debí na konsumo òf e komportashon durante konsumo;
• Ta forsa e víktima pa konsumí supstansia;
• E outor ta menasá ku e lo limitá akseso na supstansia, komo parti di e violensia;
• Tin problemanan finansiero i debe a kousa di e uso di supstansia;
• Ta usa sèn di e pareha òf yunan pa kumpra supstansia;
• Negligensia di responsabilidatnan; tiki atenshon pa yunan (paña sushi, mal higiena, hamber), kas òf pareha, i tiki disponibilidat emoshonal;
• Mucha ta sinti nan mes responsabel pa e kuido por ehèmpel di rumannan chikí.

Tepnan:

• Hasi pregunta tokante di e konsumo di alkohòl òf droga: kua supstansia, na ki momentu i kon frekuente;
• Integrá kuido di adikshon den e enfoke: involukrá kuido di adikshon trempan den e proseso.

Problemátika di salú mental

Informashon:

Malesanan sikiátriko i síkiko ta afektá relashonnan i kriansa di yunan. Yunan di mayornan ku problemátika sikiátriko òf síkiko entre otro por asumí tareanan i responsabilidatnan ku no ta adekuá i no ta kuadra ku e edat di e mucha. Adultonan ku den hubentut a enfrentá violensia doméstiko i/òf maltrato di mucha, tin hopi chèns di bolbe bira víktima òf pa nan mes bira outor di violensia doméstiko i/òf maltrato di mucha. Troumanan di hubentut por kondusí na problemátika síkiko den edat adulto. Adultonan i muchanan ku malesa síkiko ta mas vulnerabel pa bira víktima di violensia. Sea alerta pa stigma i tabú: Problemátika síkiko i violensia doméstiko tur dos ta tópikonan pisá. Víktimanan i outornan por sinti bèrgwensa òf tin miedu ku lo huzga nan.

Señalnan:

• Generalmente, problemanan di salú mental no ta problemanan isolá, sino nan ta bai kompañá di otro problemanan manera adikshon relashoná ku violensia doméstiko;
• Malesanan síkiko ta kousa komportashon impredesibel, loke por kondusí na situashonnan insigur; eksploshonnan di rabia, agreshon, kambionan di estado di ánimo, komportashon paranóiko, deskonfiansa i sikósis;
• Malesanan síkiko den mayor por kousa apego insigur di nan yunan;
• Kehonan depresivo por kondusí na deskuido di e pashènt mes i e miembronan di su famia; falta di kuminda, paña i kuido médiko.

Tepnan:

• Komprenshon pa e antesedente i e problemátika por yuda krea konfiansa.

Hóbennan ku diskapasidat intelektual leve (LVB)

Informashon:

Ora un persona tin un IQ entre 50-85 i tin difikultat pa trata sosialmente, nos ta papia di diskapasidat intelektual leve (LVB). Aproksimadamente 1 di kada 6 siudadano hulandes tin un IQ entre 50-85. Hóbennan ku LVB ta kore mas riesgo pa bira tantu víktima komo outor di violensia. Ademas, personanan ku LVB ta mas vulnerabel pa bira víktima di trafikashon di hende. Nan tin ménos kapasidat pa komprondé e relashon entre kousa i konsekuensia, ta mas fásil pa influensiá nan i nan ta mas krédulo. Trafikantenan di hende konsientemente ta abusá e vulnerabilidatnan aki i tin biaha nan ta reklutá na lokalidatnan kaminda hende ku LVB ta keda. Personanan ku LVB tin 18 biaha mas chèns di bira víktima di eksplotashon seksual. Pa mas informashon tokante di LVB, konsultá Signalenkaart LVB – Landelijk Kenniscentrum LVB

Señalnan di violensia di (èks) pareha den kasonan di LVB:

• Inkapasidat di indiká límitenan na e pareha;
• Nesesidat di ta alkansabel na tur momentu (ta eksperensiá kontrol manera "amor");
• No ta rekonosé dinámikanan insaludabel di relashon (yalursheit, kontrol, dependensia) komo dañino;
• Ta tolerá komportashon dañino, debí na sintimentunan fuerte di namoramentu òf dependensia.

Señalnan di eksplotashon seksual òf kriminal den kasonan di LVB:

• E persona ta poseé un di dos telefòn;
• E tin hopi kontakto nobo;
• E tin akseso na artíkulonan di luho, paña kostoso i/òf hopi sèn kèsh;
• E tin mas sèn di loke por spera a base di un trabou òf djòp;
• E tin kontakto ku personanan ku ta mustra komportashon kriminal.

Tepnan:

• Usa palabra simpel i verifiká ku e persona a komprondé bo;
• Eventualmente, hasi uso di material visual.

Malesa serebral òf problemanan di memoria

Informashon:

Ehèmpelnan di malesa serebral ta entre otro leshon serebral atkerí i demensia. Demensia ta e nòmber kolektivo pa malesanan ku ta afektá serebro, manera Alzheimer. Leshon serebral atkerí (niet-aangeboren hersenletsel – NAH) ta dañonan na e serebro ku un hende a atkerí despues di nasementu. Esakinan por wòrdu kousá por ehèmpel pa un aksidente, un tumor serebral òf un paro kardiako. Aproksimadamente 300.000 persona na Hulanda Oropeo tin demensia, i e kantidat aki ta kresiendo. No tin sifranan konkreto di Hulanda Karibense, sinembargo, e puntonan di konseho i notifikashon konosé vários kaso di demensia den kombinashon ku violensia doméstiko. Anualmente, aproksimadamente 140.000 persona ta keda afektá pa un leshon serebral. Leshon serebral ta kambia bida, tantu pa e pashènt komo pa esnan involukrá. E por kousa hopi strès i preshon di kuido, i p’esei e por afektá e sistema. Debí na esaki, tin mas riesgo riba ku e kuidadó informal no ta funshoná adekuadamente òf riba maltrato di hende grandi. Pa señalnan di kuido informal ku no ta funshoná adekuadamente òf maltrato di hende grandi: konsultá e tarheta di señal konserní.

Señalnan di malesa serebral òf problemanan di memoria:

• Problema di memoria;
• Difikultat pa hasi aktividatnan diario;
• Kibukashonnan ku tempu i lugá;
• Problemanan di lenguahe;
• Pèrdè poseshonnan;
• Mal kapasidat pa evaluá asuntunan;
• Retirá for di kontaktonan sosial;
• Kambionan di komportashon i karakter.

Tepnan:

• Opservá kuidadosamente: wak si tin patronchinan i ripitishon;
• Papia ku e hende konserní i e kuidadó informal separadamente;
• Hasi preguntanan habrí: puntra tokante di sintimentunan di seguridat i rutinanan diario;
• Evaluá deklarashonnan médiko, pero keda alerta riba señalnan apnormal;
• No suponé ku e malesa ta e úniko splikashon pa sierto komportashon òf leshonnan;
• Evitá akusashonnan konfrontativo: esakinan por empeorá e situashon.

LHBTIQA+

Informashon:

Hende muhé lesbiana, hende hòmber homoseksual, hende bi+ i personanan transgénero tin mas probabilidat di eksperensiá violensia doméstiko ku hende sisheteroseksual. Den kaso di hende transgénero, e outor frekuentemente ta mayornan (di kriansa) òf rumannan (di kriansa) (46%) òf e (èks) pareha (25%). Den famianan por pasa ku no ta aseptá un identidat LHBTIQA+ (kompletamente). E transishon di hóbennan transgénero por wòrdu strobá dor di e mayornan. Hende LHBTIQA+ frekuentemente ta sufri di strès di minoria; miedu di enfrentá eksklushon i diskriminashon. Esaki ta stroba nan pa papia di manera habrí durante nan kontaktonan ku asistensia profeshonal. Ademas, esaki ta stroba profeshonalnan pa haña un bista adekuá di e realidat di e situashon. No tur persona transgénero i no-binario ta sinti seif den un refugio pa hende hòmber òf hende muhé. Ta importante pa mantené un aktitut habrí i di aseptashon. Ora asistensia profeshonal mustra inklusividat, esaki ta oumentá hende LHBTIQA+ sinti sufisientemente sigur pa pidi yudansa i apoyo.

Señalnan di strès di minoria:

• Ta papia negativamente di personanan LHBTIQA+;
• Ta papia di e pareha den palabranan general; ta skonde e género di e pareha;
• No tin karakterístikanan visibel ku por indiká un identidat LHBTIQA;
• Violensia ta keda skondí òf trivialisá pa no daña e imágen di e komunidat LHBTIQA+.

Tepnan:

• Sea konsiente di posibel strès di minoria;
• Mustra ku bo tin aktitut positivo pa ku personanan LHBTIQA+;
• Pero no hasi preguntanan innesesariamente kurioso.

Divorsio kompliká

Informashon:

Ta estimá ku 15 pa 20% di e divorsionan den kua tin mucha involukrá, ta kana sumamente difísil. Den aproksimadamente 50% di e divorsionan kompliká aki, tin violensia doméstiko tambe. Mediashon solamente ta funshoná ora ámbos pareha ta dispuesto pa koperá i pa haña un solushon huntu. Den kasonan di teror íntimo, e outor por usa mediashon pa sigui ehersé kontrol i forsa. Mediashon no ta traha den kasonan di teror íntimo.

Señalnan:

• Tin diskushonnan fuerte i reklamonan entre e partnernan ku ta divorsiando;
• Tin proseduranan hurídiko di vários aña;
• Un di e mayornan ta mina e otro mayor: - no ta duna pèrmit pa bai ku fakansi. - no ta aprobá bishita di dòkter. - no ta kumpli ku palabrashonnan unilateralmente
• Un di e mayornan ta papia malu di e otro mayor ku e yunan;
• E yunan ta eksperensiá konfliktonan di lealtat;
• Ta usa e yunan pa ehersé poder riba e otro mayor.

Tepnan:

• Pèrkurá pa haña un imágen kompleto di e situashon: ken-ta-hasi-kiko-na ki momentu-ku kua impakto;
• Verifiká si e yu (t)a presensiá violensia;
• Papia ku (tur) mucha presente;
• Evaluá (un historia di) violensia den pareha durante e relashon.

Animal

Informashon:

E outor por usa e animal komo arma kontra e víktima, por ehèmpel dunando un kachó komando pa e morde. Por usa animalnan komo medio di chantahe, pa menasá, manipulá, kontrolá, humiá, spanta òf forsa un hende pa keda den e relashon. E outor por menasá ku violensia kontra di e animal. Víktimanan ke posponé nan huida pa akohida di hende muhé, pasobra nan no ke laga e animal serka e outor. Afortunadamente, bestianan di kas ta bon biní serka algun lugá di akohida.

Señalnan di e animal:

• E tin leshonnan infliktá (pa hende);
• E tin frakturanan/leshonnan anterior òf ripití;
• E tin leshonnan ku no por splika;
• E tin miedu di e doño;
• E ta hala atras pa ku hende;
• E ta komportá su mes di un manera hopi trankil òf muchu agresivo;
• E tin un aktitut poko reaktivo, depresivo;
• Su komportashon a kambia;
• E no tin sufisiente espasio pa move;
• E ta biba den sirkunstansianan a-higiéniko;
• E no tin su propio lugá pa drumi;
• E no tin akseso na sufisiente kuminda/awa.

Señalnan di e doño:

• E no ta dispuesto pa duna un splikashon pa e leshonnan di e animal;
• E splikashonnan ku e ta duna tokante di e leshonnan di e animal no ta kreibel òf probabel;
• E ta duna diferente splikashonnan (na diferente momentunan) pa e mésun leshonnan;
• E ta reakshoná di manera no apropiá, rabiá òf agresivo riba preguntanan òf notifikashonnan;
• E ta mustra komportashon desviante: e ta ansioso, nèrvioso, agresivo òf inkómodo;
• E no ta dispuesto pa buska asistensia;
• E no ta mustra preokupashon pa e animal;
• E no ta trata e animal di manera adekuá: gròf, purá, brutu, ku hopi bochincha, ku bos duru;
• E no ta duna e animal e kuido ku e mester;
• E no ta satisfasé e nesesidatnan básiko di e animal;
• A mir'é anteriormente ku animalnan leshoná.

Tepnan:

• Puntra si tin animal na kas;
• Papia di e posibilidatnan pa akohida di bestianan di kas.

Hende hòmber / mucha hòmber komo víktima

Informashon:

Anualmente, 80.000 hende hòmber ta víktima di violensia serio den sírkulo doméstiko na e parti oropeo di Hulanda. Pa Hulanda Karibense, no tin sifranan eksakto disponibel pa esaki.

Víktimanan maskulino di violensia doméstiko ta eksperensiá un tabú grandi i inkredulidat den nan entorno. Frekuentemente, nan ta sinti ku nan ta e úniko ku ta pasa den e situashon aki, loke ta pone nan sinti bèrgwensa. Solamente 3% di víktimanan maskulino ta akudí na polis. Hende hòmber òf mucha hòmber sa tin otro maneranan pa ekspresá problemanan òf buska asistensia. Hende hòmber tin mas tendensia di ke solushoná e problema nan mes. Bèrgwensa tambe sa hunga un ròl ainda mas grandi. Tambe den e sistemanan di kuido i bienestar tin prehuisionan (inkonsiente) tokante di violensia kontra hende hòmber i mucha hòmber. Na Hulanda tin refugionan pa hende hòmber ku ta enfrentá violensia doméstiko. Pa mas informashon, konsultá www.mannenmishandeling.nl. Na Hulanda Karibense tin opshonnan di refugio pa víktimanan maskulino. Pa mas informashon, tuma kontakto ku e instansia di konseho i notifikashon riba bo isla.

Señalnan:

• Señalnan físiko: hematoma, kap, leshon di mordementu, kontushon, fraktura prinsipalmente di nanishi, wesu largu i ribchi, kemadura i leshon di kranio;
• Señalnan den e área sikosomátiko: depreshon, temblamentu, doló di kabes òf stoma frekuente, ansiedat, falta di soño, palpitashon i kansansio;
• Señalnan di komportashon: ta evitá kontakto visual, ta posponé sitanan frekuentemente, aktitut sumiso, e solisitutnan di asistensia no ta kla i ta spanta fásilmente;
• Víktimanan maskulino ta akudí na dòkter di kas mas frekuentemente ku promedio, i ta usa remedi pa drumi i analgésiko mas frekuentemente;
• Ta papia di "problema den e relashon" òf ta bisa "kosnan no ta kana bon na kas", ta minimalisá e situashon;
• Ta hopi enfoká riba e búskeda di bibienda alternativo òf solushonnan práktiko durante divorsio;
• Ta deskribí problemanan na kas for di posishon di espektador, òf ta enfoká prinsipalmente riba echonan i sirkunstansianan;

Tepnan:

• Sea konsiente di e echo ku hende hòmber tambe por ta víktima;
• Tuma señalnan na serio.

Antesedente di migrashon

Informashon:

Algun migrante ta dependé di e relashon pa nan státus di residensia, loke ta oumentá e riesgo riba violensia doméstiko. Inseguridat tokante di státus di residensia òf státus indokumentá ta un faktor di riesgo pa violensia doméstiko. Frekuentemente, migrantenan tin ménos konosementu di e sistemanan di kuido i bienestar na Hulanda Karibense, loke ta pone ku pa nan ta mas difísil pa haña akseso na asistensia. Noshonnan estrikto tokante di género por hunga un ròl den e echo ku violensia ta keda skondí. Den algun kaso, e echo ku ta hui pa violensia doméstiko ta motibu pa otorgá un státus di residensia òf pèrmit temporal. Bo ta haña mas informashon tokante di e tópiko aki serka IND: Verblijfsvergunning slachtoffer eergerelateerd of huiselijk geweld | IND. Refugiadonan menor di edat kende ta biaha ku nan mayornan i refugiadonan menor di edat sin supervishon i kompania ta den un posishon ainda mas vulnerabel.

Señalnan:

• E outor ta menasá ku e víktima lo pèrdè e státus di residensia si e violensia sali na kla;
• Ta nenga e asistensia di un tolk sertifiká, apesar ku un miembro di e famia no ta papia ni komprondé hulandes (un miembro di famia ta aktuá komo tolk).

Tepnan:

• Duna informashon tokante di e posibilidatnan di yudansa i akohida den kasonan di violensia doméstiko.